බෙබර් වෙනුවෙන් සෙලිනාගෙන් අලුත් සිංදුවක්

බටහිර ගීත ප්‍රිය කරන රසික රසිකාවන් හමුවට අලුත් ගීතයක් පැමිණ තිබෙනවා. මේ ගීතය නම්කර ඇත්තේ ‘බෑඩ් ලයර්’ (අප්‍රසන්න බොරුකාරයා) යනුවෙන්.

යොවුන් පෙළ අතර ජනප්‍රියත්වයට පත්ව සිටින සෙලිනා ගෝමස් තමයි, මේ ගීතය ගායනා කරන්නේ.සෙලීනා ගැන දන්නා උදවිය පවසන්නේ මේ ගීතය ඇය ගායනා කර ඇත්තේ සුපිරි ගායක ජස්ටින් බීබර් වෙනුවෙන් බවයි. සෙලිනා සහ බීබර් අතර පෙම් සබඳකමක් තිබුණු බව දැන් මුළු ලොවටම රහසක් නොවෙයි. 2011 සිට 2016 දක්වා වසර 5ක් තිස්සේ බීබර්ට ආදරය කළ සෙලිනා, ඉන් පසුව ඔහුගෙන් ඈත්වුණා. සෙලිනා, බීබර් වෙනුවෙන් මීට කලින් ද ගීත ගායනා කර තිබෙනවා. ‘සේම් ඕල්ඩ් ලව්’, ‘කම් ඇන්ඩ් ගෙට් ඉට්’ සහ ‘ගුඩ් ෆෝ යූ’ එම ගීතයි.

සෙලිනා සහ බීබර් අමනාප වීමෙන් පසුව යළිත් හාද වූ බවටත් යළි වෙන්වූ බවටත් ආරංචි පැතිරී ගියා. කොහොම වුණත් මේ වන විට සෙලිනා තනිවම සිටින බවයි හොලිවුඩ් මාධ්‍ය වාර්තා කරන්නේ.

Leave a Reply

Your email address will not be published. Required fields are marked *