ලොව වසඟ කළ ‘ටයිටැනික්’ ගීතයට වසර 20 යි

‘මයි හාට් විල් ගෝ ඔන්’ (My Heart will Go on) නම්වූ ගීතය පසුගිය දශක දෙක තුළ ගීත රසිකයන් ශ්‍රවණය කළේ උන්මාදයෙන්. මේ ගීතය ගැයුවේ සුපිරි ගායිකා සෙලින් ඩියොන්. එය ඇතුළත් වූයේ අතිශය ජනප්‍රිය වූ ‘ටයිටැනික්’ චිත්‍රපටයටයි. මේ මියුරු ගීතය පටිගත වී මේ වන විට වසර 20ක් ගතවෙලා.

පසුගියදා ලාස් වේගාස් හි පැවැති බිල් බෝඩ් සම්මාන උලෙළේදී සෙලින් ඩියොන් මේ ගීතය ගායනා කළේ එහි 20 වැනි සැමරුම සිහිපත් කරමින්. ජේම්ස් කැමරන් අධ්‍යක්ෂණය කළ කේට් වින්ස්ලට් සහ ලෙනාඩෝ ඩි කැප්රියෝ පෙම්වතුන් ලෙස චරිත නිරූපණය කළ ‘ටයිටැනික්’ චිත්‍රපටයේ මේ ගීතය බිල්බෝඩ් සම්මාන උලෙළේදී සෙලින් ඩියොන් ගායනා කරද්දී ඇගේ දෙනෙතින් කඳුළු කඩා වැටුණා.

‘මයි හාඩ් විල් ගෝ ඔන්’ ගීතය මගේ ජිවිතයට විශාල ශක්තියක් වුණා. ගීතය රචනා කළ විල් ජෙනින්ස්ටන්, සංගීතවත් කළ ජේම්ස් හෝනර්ටත් මම ස්තූතිවන්ත වෙනවා. ඒ දෙදෙනා නිසා මට ‘ටයිටැනික්’ කියන අපූර්වතම චිත්‍රපටයට සම්බන්ධ වෙන්න හැකි වුණා. සෙලින් ඩියොන් වේදිකාවේ සිට එලෙස පැවසුවා.

Leave a Reply

Your email address will not be published. Required fields are marked *